ڕۆژا پێنچشەمبی ڕێککـەفتی (٢٠٢٣/٦/٢٢) شاندەك ژ زانکۆیا زاخۆ پشکداربوون د کۆنفرانسێ Dissemination conference یێ پرۆژێ (APPRAIS) ل زانکۆیا پۆلیتەکنیکی یا دهۆک ل باژێرێ دهوك.
ئەڤ پرۆژە ژلایێ ئێکەتیا ئەوروپی ڤە هاتیە بەرهەڤکرن، چوار زانکۆیێن ئەوروپا و دگەل (٨) زانکۆیێن هەرێما کوردستانێ و وەزارەتا خواندنا بلند بەژدارن د ڤی پرۆژەیدا.
ئەڤ  کۆنفرانسێ هاتیە ڕێکخستن و برێڤەبەرن ب سەرپەرشتیا وەزارەتا خواندنا بلند و ڤەكۆلینێن زانستی و ئێكەتیا زانكۆیێن دەریا ناڤەراست (UNIMED) ژ چوارچوڤێ پروژێ (APPRAIS)
هەژییە بێژین؛ کۆنسوڵێ گشتییێ ئیتاڵیا ل هەولێرێ و نوینەرێن چوار زانکۆیێن ئەوروپى و هەشت زانکۆیێن هەرێما کوردستانێ و وەزارەتا خواندنا بلند پشکداربین د ڤی کۆنفرانسیدا.
د ئه‌ڤێ کۆنفرانسێدا شاندێ زانکۆیا زاخۆ، کۆ پێکهاتبوون ژ بەرێزان (پ.هـ.د. کاروان فهمی سامی) هاریكارێ سه‌روكێ زانكويێ بكاروبارێن قوتابیان و بەرێز (پ.هـ.د. دلێر عادل) ڕێڤەبەرێ دڵنیا جوری  و بەرێز (د. نزار عصمت) ڕێڤەبەرێ پەیوەندیێن ناڤدەولەتی ل زانکۆیا زاخۆ پشکداربوون و سمینارەك ژلایێ بەرێز (پ.هـ.د. کاروان فهمی سامی) ڤە، بۆ ئامادەبوویان هاتە پێشکێشکرن تێدا باس ل ستراتیجیەت و پلانێن زانکۆیێ و بەرەڤ باشترکرن و پێشڤەبرنا پرۆگرامێن خواندنێ ب ڕێکێن زانستی و سەردەمیانە هاتە کرن.